Асхат Тағыбергеннің голы Euro-2024 іріктеу кезеңінің үздік голы – жанкүйерлер сауалнамасы
Асхат Тағыбергеннің Данияға қарсы ойында соққан ғаламат голы Euro-2024 іріктеу турнирінің үздік голын анықтау үшін жанкүйерлер арасында өткізілген дауыс беруде топ жарды.
Қазақстан-Дания құрамаларының ойынында таразы басын теңестірген Тағыбергеннің голын жанкүйерлер іріктеу кезеңінің үздік голы деп таныды.
УЕФА техникалық бақылаушыларынан құралған комиссия алдымен үздік он голды сұрыптап, кейіннен олар дауыс беруге ұсынылған.
Тағыбергеннің алыстан шірене тепкен соққысы УЕФА техникалық бақылаушыларының рейтингінде сегізінші орын алғанымен, бұл гол жанкүйерлердің ерекше ықыласына бөленді. Осылайша Асхат Албания құрамасының екі соққысын қапы қалдырды. Дауыс беру қорытындысында екінші орын алған Ясир Асани Польша қақпасын алыстан нысанаға алған, үштікті түйіндейтін Кристьян Аслани, ол Фарер аралдарының қақпасынан саңылау тапқан-ды.
Жанкүйерлердің дауыс беру қорытындысы:
- Асхат Тағыберген (Қазақстан-Дания 3-2) — 2-тур, 26/03/2023 (ресми тізімде сегізінші)
2 Джасир Асани (Албания-Польша 2-0) — 6-тур, 10/11/23 (ресми тізімде жетінші)
3 Кристьян Аслани (Фарер аралдары-Албания 1-3) — 4-тур, 20/06/23 (ресми тізімде бесінші).